Kung mamahalin mo siya, mag-iingat ka.
Delikado ang mga binibitawan niyang salita
At makikita mo ang kakaibangan pungay nang kaniyang mga mata;
Kaya oo, kung mamahalin mo siya, mag-ingat ka.
Hindi mo siya pwedeng isiid sa isang kahon at panatilihing iyo,
Matuto kang tumalikod sa mga bagay na pinaniniwalaan mo,
Masasanay ka na wag makinig sa mga bagay na kinukwento nila sayo
At magbubulag-bulagan ka sa kung ano ang totoo.
Ganyan.
Ganyan ang epekto ng pagmamahal sa isang taong hindi nakalaan para sa iyo
At maniwala ka sakin, sa mga payong sasabihin ko,
Kasi minsan na niya akong nilagay dyan sa pwesto mo.
Oo, ako ang dating laman ng mga yakap niya.
Ang kamay ko, ang mga kamay na dating kanya
Ako ang pagmamayari niyang ipinagdamot niya sa iba
Ngunit kalaunan ay ipinagpalit at isiniwalang bahala
Kaya kung pangangakuan ka niya, pakiusap wag kang maniwala
Kung sabihin man niya sayo ang mga salitang "Walang hanggang"
Pakiusap, matuto kang lumisan
Hindi magtatagal, ikaw ang maiiwan
Hindi ko balak na siya'y siraan
Pakiusap, dahil minsan na niya akong sinaktan
At maniwala ka man o hindi, walang gamot sa taong tanga kundi ang pansariling pagkagising sa katotohanan.
No comments:
Post a Comment